Margrét Rós

Earth Hour og Sigur Rós

Þetta er svaka fínt!

 

Ég elska Lady Gaga

Ég kemst bara ekki yfir það að hvert einasta lag sem þessi kona gefur út er snilld. Hún er hin nýja Madonna.

 

Uppáhalds lagið núna

Ég elska Florence + the Machine. Og þetta lag er svo æðislegt! Og svo gera þau alltaf svo flott tónlistarmyndbönd. Love it!

 

Próf í sænskri sól

Úti eru um 20°og glampandi sól. Ég sver að þetta er að létta prófalundina. Fínt að læra úti á svölum með vatnsmelónu og kælt kaffi. Ég er að fara í sex próf, en á sama tíma á morgun mun ég bara eiga fimm eftir. Og á svipuðum tíma á morgun verða pabbi og Vilma komin í heimsókn. Eftir efnafræðihressleikan í fyrramálið ætla ég nú samt að lyfta þessu bloggi upp og skella inn nokkrum myndum frá nýliðinni Íslandsheimsókn og koma með almennilegar fréttir héðan úr Sólborginni (nýja heitið mitt yfir Stokkhólm). Þessi facebook pása mín mun án efa gera mig virkari í "alvöru" netheimum.

Þangað til mæli ég með þessari grein fyrir alla þá sem eru að íhuga að kjósa Besta flokkinn, ég mæli líka með nýja Bloodgroup disknum og melónu/lime drykknum hér að neðan.

 Sumar í glasi:

 hálf vatnsmelóna, skorin í bita og svona það helsta af steinunum hent í ruslið.
 tvö lime - afhýdd
 ca 1 dl vatn
 1-2 msk agave síróp (fer eftir hversu sæt melónan er).

  Allt sett í blandara með klökum og drukkið í sólinni. Ef það er ekki sól þar sem þú ert þá er um að gera að loka bara augunum, þessi drykkur gefur sumarhugmyndafluginu lausan tauminn.

 

Melodifestivalen

Í kvöld eru úrslitin í undankeppni Eurovison hér í Svíþjóð. Melodifestivalen er ekkert smá batterí. Lokakvöldið er haldið í Globen og það er fullt út úr húsi. Eins og sönnun Svía sæmir þá er ég búin að fylgjast aðeins með þessu og á mín uppáhaldslög. Mér finnast nánast öll lögin léleg en þessir flytjendur eru búnir að sjarmera mig með því að vera krúttlegir og auðmjúkir í viðtölum við fjölmiðla.

Ég held með þessum. Finnst hann sætur og svo er hann eini sem er ekki með þrjár hækkanir og viðlag sem að maður kann áður en maður heyrir það.

Ég held líka smá með þessum. Hann kann t.d. í alvörunni að spila á píanó.

Svo er það þessi hér. Hann er auðvitað svo sjúklega sætur og sjarmerandi að maður getur ekki annað en haldið með honum þó svo að hann sé ekki beint besti söngvari í heimi. En hann bætir það upp með svölum danssporum. Hann er pínu svona JT Svíþjóðar, var í einhverskonar mikka mús klúbb og kynntist kærustinni sinni þar en hún er einmitt líka fræg hérna og er núna komin í úrslit í Dancing With the Stars (sem heitir Lets dance í Svíþjóð).

Hér er í Stokkhólmi er annars búin að vera mikil umræða um þessa keppni sem og Idolið sem fer fram á haustin. "Alvöru" tónlistarmenn komast ekki að. Þessar tvær keppnir stjórna gjörsamlega öllu, það er bara hægt að kaupa plötur frá keppendum í þessum keppnum og þetta er það eina sem er í útvarpinu. Idol stjórnar öllu frá september og næstum fram að jólum og svo er það Melodifestivalen frá febrúar og fram í maí. Þeir mánuðir sem eru eftir fyrir annað tónlistarfólk að gefa út sína tónlist er s.s. í desember (þegar samkeppnin er auðvitað hvað mest), janúar, á sumrin og kannski smá í september. Einhver útgáfumaður sagði mér einu sinni að sumarið vær slappur tími til að gefa út nýja plötu svo að tíminn sem að "alvöru" tónlistar fólkið hefur er nánast enginn. Þetta gerir það að verkum að tónlistarfólk sem að maður sæi venjulega ekki fyrir sér keppa í þessari keppni er að taka þátt. T.d. Andreas Johnson og Anna Bergendahl. En Anna er einmitt talin mjög sigurstrangleg af mörgum. Mér persónulega finnst pínu sorglegt að tvær keppnir stjórni hvað þorri fólks í Svíþjóð hlustar og horfir á meira en helminginn af árinu. Ég er svo hipp og kúl sjálf að ég hlusta ekki á útvarp heldur versla á iTunes og hlusta auðvitað ekkert á þetta mainstream rusl (djók.. samt ekki). En aumingja allir hinir...

Updeit: Hin 18 ára Anna vann þetta. Píanogaurinn varð í öðru og JT í þriðja. Andreas varð í fimmta sæti.

Nýtt lag með Goldfrapp

Ég elska hana. Og er að fíla þetta 80's þema. Langar í ræktina í spandex galla!

örstutt punktablogg

þar sem að ég á að vera að læra er þetta öööörstutt.

• Íbúðin er nánast sótthreinsuð. Öll föt hafa annaðhvort fengið frystimeðferðina eða fengið að veltast um í 60°í ca klukkutíma.
• Ég er búin að ryksuga inn í fataskápana á heimilinu minst 20x.
• Ég er komin með óþol fyrir pöddum. Ég er í alvörunni farinn að kremja venjulegar flugur með puttunum og svo bara þvo mér um hendur og þurka borðið/rúðuna með eldhúspappír. Stríðið mitt við lifrurnar mun að ég held hafa langtímaáhrif (mig er meira að segja búið að dreyma viðbjóðsleg skorkvikindi tvo daga í röð, í draumnum ryksugaði ég þær og brenndi svo ryksugupokann).
• Einar setti saman þrjú húsgögn frá Ikea í gær. Ég hef sjaldan kynnst eins miklu jafnaðargeði. Þessi maður er fullkominn... ég segi það satt.
• Gólfið hjá okkur er gamalt... einn skápurinn/skenkurinn sem við keyptum getur ekki staðið almennilega því gólfið hallar svo. Eins og er er eitt Elle undir einum fæti og InStyle og GQ blað undir hinum.
  
   
  
• Ég er búin að búa til playlista með skandinavískri rólegheitartónlist. Inn á þeim lista eru tvö dönsk lög sem að ég elskaði þegar ég var lítil. Lagið hennar Anne Linnet, Tusind Stykker, hef ég ekki hlustað á síðan ég var svona átta. Ég fékk gæsahúð og nostalgíukast þegar ég keypti það á iTunes í gær. Allt í einu var ég komin í Veghús með mömmu, pabba og Friðjón og Kára litlum með hor. Það var skúffukökulykt í dagdraumnum.
• Aumingja Einar þurfti að hlusta á lagið svona 10x í gær og þrátt fyrir það (hann hatar sko dönsku) og Ikea parta úti um allt hélt hann ró sinni.
• Ég er að gera róttækar breytingar í mataræðinu. Byrjaði í dag og hef enn ekki klikkað. Klukkan er fjögur.
• Ég ætla að elda fáránlega hollt og gott í kvöld... en ég þarf líka að fara út að hlaupa og læra. Það er svo tímafrekt að vera dugleg!
• Ég mæli með þáttum Richard Dawkins um trúarbrögð sem bera heitið The Root of All Evil? Ég er ennþá í áfalli eftir fyrri þáttinn. Tímdi ekki að horfa á hinn strax, vill melta fyrri hlutan fyrst. Þvílíkir nautheimskir fávitar sem eru til í þessum heimi!
• Síðast en ekki sýst... Séð og Heyrt er uppáhalds. Frábært blað sem stundar flotta blaðamennsku! Allir sammála?

Pöddur og sænskur Jazz

Það eru (voru) pälsängrar í skápunum hjá mér. Þeir eru alveg frábærlega skemmtilegt!! Síðan mamma og Jón Jökull fóru er ég s.s. búin að tæma alla fataskápa á heimilinu. Hluti af fötunum á að frysta (þau sem þola ekki 60°þvott) og hinn hlutann á að þvo á 60°og setja svo í þurrkarann eða þurrkskápinn. Þetta verkefni er ekki beint lítið! Þeir sem þekkja mig vita að ég á slatta af fötum og þar af er svona 60% úr ull sem þýðir að pälsängrarna elska þá hluti og að þá má ekki þvo. Jibbý!! Meindýraeyðirinn ráðlagði mér að henda bara öllu úr ull... einmitt. Hann hefur greinilega aldrei komið inn í útibú Spaksmannsspjara í Svíþjóð (sem er s.s. fataskápurinn minn)  :-)

Eins og er erum við búin að sótthreinsa svefnherbergið, ryksuga allt og skrúbba skápa með ajax að innan (og já... ég keypti s.s. ajax í fyrsta skipti í Svíþjóð. Ég treysti ekki umhverfisvænu þrifefnunum í þetta skítadjobb). En gangurinn er enn yfirfullur af fötum sem bíða eftir að þeirra tími komi í frystinum. Þegar allt er orðið frosið og fínt verður loksins hægt að labba um ganginn aftur.

En í þessu veseni öllu er ég buin að komast að því að ég á ALLT OF MIKIÐ af (ljótum) fötum. Allt þetta drasl út Zöru og öðrum álíka búðum nota ég aldrei. Til hvers að láta þetta taka pláss í skápunum? Ég ætla beinustu leið með þetta í rauða krossinn þegar ég er búin að frysta þetta. Föt sem að eru ekki úr gæða efnum og þú ert ekki búin að nota síðustu sex mánuði hafa ekkert erindi í skápnum manns. Það er alveg örugglega eitthvað fólk þarna úti sem að vill nota þetta!

Í dag ætlum við skötuhjú að fara í smá húsgagnaleiðangur í Ikea og þá ætla ég að kaupa plast fatapoka sem að ég mun héðan í frá geyma eitthvað af fallega dótinu mínu í... svona just in case.

Annað ráð sem ég er búin að komast að er að pöddur eru víst ekki mikið fyrir lavander lykt né lyktina af þurrkuðum appelsínuberki. Svo að nú angar heimilið af lavander (sem ég elska) og ég er í því að þurrka appelsínubörk.

En mér til mikillar gleði uppgötvaði ég Bo Kasper Orkester aftur í gær, ég er ekki búin að hlusta á þá síðan ég bjó með ma og pa í Veghúsum (hmm... 6 ár?). Þeir eru svo sannarlega að létta mér lítið, sænskur jazz á fullu blússi, gúmmihanskar, ryksuga og eintóm hamingja!