Margrét Rós

Áramótaheit fyrir árið 2011

Mér finnst mjög skrítið að vera í lokaskilum í skólanum í janúar. Heilinn á mér er bara ekki forritaður fyrir þetta og mér finnst næstum eins og nýja árið komi á mánudaginn þegar ég skila lokaritgerðinni minni.

Ég er þess vegna ekki búin að setjast niður og skrifa niður nein "alvöru" markmið fyrir árið né líta yfir farinn veg, þ.e.a.s. árið 2010.

En hér koma litlu áramótaheitin mín:

1. Drekka meira te. (Ehhh enn ekki búin að hella mér upp á svoleiðis á þessum 13 janúardögum).
2. Fara fyrr á fætur. Hér er s.s. markmiðið að fara alltaf á fætur klukkan sjö á virkum dögum, hvort sem ég er á leið í tíma, vinnu eða ekki. Þetta hefur gengi ágætlega hingað til.
3. Ekki mæta of seint... þetta er hræðilegur ávani sem að maður sér hversu illa er liðinn þegar maður býr hér í Svíþjóð. Alveg fáránlegt að vera alltaf 2 mínútum of sein, hvort sem það er hittingur með vinkonum, tími í skólanum eða læknisheimsókn.
4. Prófa tvær nýjar uppskriftir í mánuði og blogga um þær (já í fyrra var það ein grænmetisuppskrift á viku.. það gekk svona líka vel!).

 

Tried and tested *5/52*

Í síðustu viku prófaði ég þrjár uppskriftir af kökum/konfekti sem eru í hollari kantinu. Ein þeirra var ekki góð en hinar tvær heppnuðust príðilega.

Nr.1 - Kókoskúlur

Þessa uppskrift sá ég á pressunni hjá henni Mörtu Maríu en hún lumar oft á góðum uppskriftum.

100 gr haframjöl
100 gr múslí
50 gr döðlur
80 gr kókosmjöl

1 dl kókosolía (sem búið er að láta standa undir heitri vatnsbunu)
1 dl kakó
1 dl agave síróp

Innihaldsefnin í fyrsta hópnum eru sett í matvinnsluvél og þessu er blandað vel saman.
Innihaldsefnunum í seinni hópnum er þvínæst bætt við þurrefnin í matvinnsluvélinni. Þetta er unnið þangað til að komið er ágætis deig sem hægt er að hnoða í litlar kúlur. Ég velti svo kúlunum upp úr blöndu af sesamfræjum og kókosmjöli áður en þær fóru inn í ísskáp.

Þessar kúlur taka u.þ.b. 7 mín in the making og bragðast frábærlega!
--------

Nr. 2 - Orkuhnullungar

Þessa uppskrift fékk ég af bestu síðu í heimi, Cafe Sigrún. Ég breytti henni pínulítið en það var bara vegna þess að það sem að stóð í uppskriftinni átti ég ekki alveg til. Þessi vefsíða er þvílíka snilldin, ég skil reyndar ekki alveg metnaðinn sem hún Sigrún hefur fyrir þessu, en dáist engu að síður að henni. Ég myndi sko alveg kaupa mér aðgang en hún elsku Sigrún leyfir öllum að njóta! Ég mæli með öllu sem ég hef prófað af þessari síðu (og það er ekki lítið), bæði er það bragðgott og uppskriftirnar eru yfirleitt þannig að þær heppnast 100% ef þú bara fylgir þeim!

3/4 bolli spelti
1 bolli haframjöl, malað fínt í matvinnsluvél
1 tsk kanill
1/2 tsk múskat
1/2 tsk engifer
1/2 tsk negull (ég átti ekki negul svo ég notaði kardimommur.. nammi!)
1 tsk vínsteinslyftiduft
4 msk kókosfeiti
1/3 bolli rapadura hrásykur
2-4 msk sojamjólk
1/2 tsk himalayasalt
1 egg
1/4 bolli sesamfræ
1/3 bolli saxað súkkulaði. Ég blandið saman súkkulaði og cacoa nibs. Sjúklega gott!
1/2 bolli saxaðar hnetur, ég notaði peakan
1/3 bolli döðlur, má nota rúsínur líka

1. Ofninn á 180°C
2. Haframjölið er malað í matvinnsluvél þar til það er mjög fínt. Þá er hellt í skál ásamt spelti, kryddum, lyftidufti og salti. Öllu blandað vel saman.
3. Egg, kókosfeiti og hrásykurinn hrært saman. Ég notaði matvinnsluvél því ég elska vélina mína!
4. Eggjablandan er færð yfir í þurrefnaskálina og allt er hrært varlega saman með sleikju.
5. Hnetum, sesamfræjum, döðlum og súkkulaði er hrært út í.
6. Litlir orkuklumpar eru hnoðaðir og settir á plötu með bökunarpappír. Pressið létt á hverja köku (u.þ.b. 16 stk).
7. Bakað í 15 til 20 mín.

Mæli sko með þessum! Þær slógu í gegn.
-----------------

Þriðja uppskriftin kom líka af pressu Mörtu Maríu en sú sló ekki alveg eins mikið í gegn. Þetta er súkkulaði kaka sem er svaka holl. Sykurlaus og alls laus (næstum). Ég var enga stund að baka hana (skellti í hana á svona 10 mín) og svo þarf hún heldur ekki að vera það lengi í ofninum. Málið var bara að húsið ilmar eins og skúffukaka.... og þá langar þig bara í skúffuköku! Þetta var eiginlega ekki nógu djúsí. Ég myndi reyndar hugsanlega baka þessa köku aftur ef ég ætti að koma með eina köku í eitthvað boð þar sem ég vissi að væru bara smjör, rjóma, sykur drullukökur til boða. En eins og ég segi. Við borðuðum alveg eitthvað af henni yfir handboltanum síðustu helgi en hún náði einhvern vegin ekki að seðja súkkulaðihungrið. Ég ætla ekki að skrifa upp uppskriftina en hana má finna hér.

Eina kakan sem kláraðist ekki áður en ég náði að taka mynd :-)

Sobu Núðlu salat *4/52*

Ég er alveg að klúðra áramótaheitunum. Ég setti ekki inn neina uppskrift í síðustu viku og er byrjuð að snooza. Ég ætla reyndar að redda því með að setja inn tvær í þessari viku og hætta bara aftur að snooza. Síðast vika var reyndar einum of buzy, bæði var ég í prófi og svo var Serrano að opna stað númer tvö hér í Svíþjóð. Þar fyrir utan kom Emil í opnunina og við vorum bara grand á því og fórum út að borða bæði föstudags og laugardagskvöld. Aumingja Emil fékk ekkert að njóta eldhúshæfileika minna... fyrir utan pönnukökur í morgunmat á sunnudeginum. Sem betur fór slógu veitingastaðirnir í gegn, við Einar erum á ágætis rönni akkúrat núna þegar að það kemur að veitingastöðum.

En uppskrift dagsins er Sobu Núðlu Salat sem er að megninu til fengið úr uppáhalds matarblaðinu mínu, Clean Eating. Í þessu blaði eru bara ALVÖRU hollustu uppskriftir, enginn sykur, ekkert ger, ekkert drasl. Eini gallinn við þetta blað er að það er ýmislegt í því sem að eingöngu fæst í US of A. Eins og t.d. Stevia sem ég þarf að panta af netinu.

Þetta blað er algjör snilld fyrir þá sem að vilja passa hvað þeir borða án þess að vera svangir og í vondu skapi. Ég er líka ánægð með að það er ekki bara lögð áhersla á að maturinn sé "ekki fitandi" heldur að hann sé hollur, ódýr, fjölskylduvænn, fagur, góður osfrv. Ég hvet alla til að prófa þessa uppskrift, hún er æðisleg!

Sobu Núðlu Salat með Tofu

Einn pakki sobu núðlur (bóghveiti), soðnar samkvæmt leiðbeiningum og kældar.
Einn pakki Tofu, marinerað í tamarin, engifer og hvítlauk. Marineringin þarf að vera á tofúinu í amk 20 mín.
1 bolli rifnar gulrætur
1 bolli rifið brokkolí
1 bolli ferskar og fallegar baunaspríru
1/4 bolli saxaður ferskur kóríander

Dressing:
3 msk tamarin sósa eða önnur saltlítil soyasósa
2 msk edik. Hrísgrjóna, hvítt balsamik, epla... bara það sem þér þykir best.
1 msk ferskt engifer, rifið smátt
1 tsk agave síróp
2 tsk sesam olía
1/2 tsk sesamfræ... eða bara eins og þig langar (ég set meira)

Tofúið er létt ristað á pönnu, þarf í raunninni bara að hitna í gegn. Á meðan eru gulræturnar hreinsaðar og rifnar/saxaðar. Sama er gert við brokkólíið. Hér gildir að hafa þetta smátt skorið. Ég hef sett þetta í hlunkabitum í skálina sem að fylgir með töfrasprotanum og sett á stað í smá tíma (matvinnsluvél dugir að sjálfsögðu líka). Þegar búið er að sjóða núðlurnar eru þær settar í stóra skál ásamt tofu, gulrótum, brokkóli, kóríander og sprírum. Þetta er blandað og svo er sesamfræjunum stráð úr á. Öllum innihaldsefnum sósunnar er hrært saman í aðra skál og svo u.þ.b. helmingnum af henni hellt út á núðlurnar. Restin af sósunni er svo borin fram með núðlunum on the side.

Þetta er snilldar máltíð. Holl og létt og tekur í alvöru jafn langan tíma og það tekur að sjóða núðlurnar. Að þurfa ekki að elda grænmetið er auðvitað bara snilld en þess vegna þarf að hafa það smátt skorið. Auk þess er þetta unaðslegt í nesti daginn eftir og þarf ekki einu sinni að hita upp!

Verði ykkur að góðu!

Hér leyfði ég nokkrum brokkólíbitum að vera stærri en hinum, svona upp á lúkkið sko.

Komin heim

Við erum komin heim. Það fyrsta sem við gerðum var að leggja okkur og svo var haldið í sögulega ICA maxi ferð það sem að við keyptum endalaust af mat í frystinn og búrskápana. Ég ætla sko að standa við áður gefið loforð um eitt blogg í viku með nýrri vegetarian uppskrift. Fyrsta færslan mun fjalla um kvöldmatinn í kvöld.

Nýja árið hófst í dag (sbr. síðasta blogg) og ég stóð við annað af mínum fimm áramótaheitum og það var að snooza ekki. Þegar yndislega lampavekjaraklukkan mín vakti mig með sólskini og frumskógarhljóðum klukkan sjö í morgun var ég vöknuð. Ég tók mér reyndar tvær mínútur í að telja í mig kjark til að lyfta sænginni en svo kom í ljós að það var ekki eins kalt í íbúðinni og ég bjóst við. Ég vaknaði úthvíld eftir tæpan sex tíma svefn en það var einungis vegna þess að ég á besta rúm í heimi - mans eigið rúm er einfaldlega best. Nú hef ég s.s. sagt skilið við þennan ósið - Margrét snoozar ekki!

****

Eitt af því sem ég kom í verk í frábæru Íslandsheimsókninni var að taka myndir af Svarta Túlípananum (eða við í ST komum því s.s. í verk). Hinn frábæri ljósmyndari Einar Örn Einarsson tók myndirnar og ég er ekkert smá sátt með þær. Hér kemur ein:

Þetta er búið að vera á döfinni í þónokkurn tíma en undanfarin ár höfum við mjög sjaldan allar verið í sama landi á sama tíma. Loksins tókst þetta hjá okkur. Grótta var samt óvenju köld (þ.e. veðrið) þennan dag og því vorum við nokkuð króknaðar þarna í lokin.  Sesselja er líka pínu eins og hún sé ekki með neina putta á hægri, svo vel er hún búin að pakka sér inn í griffluna sína :-)