Margrét Rós

Eftir þréttán vikna nammibindindi er ég með svo mikinn valkvíða að mig langar ekki í neitt en á sama tíma í allt. Ég held að ég fái mér bara ekki neitt en fara í konfektbúðina á morgun og geri virkilega vel við mig.

ps: kærastinn minn veðjaði að mér tækist þetta ekki og fæ ég því verðlaun. Verðlaunin eru "taska". Mjög svo opið og eigum við eftir að fara í sameiningu og finna hin fullkomnu verðlaun fyrir þessa þrekraun mína. Gaman. Nammi og taska sama dag!!

Bakaði þessar um daginn. Þær voru svo góðar að í smá stund var yndislegi hópurinn minn í skólanum í góðu skapi. Geri aðrar muffins betur!

ps: já, ég er gellan sem bakar og fer svo með allt gúmmelaðið í skólann því við Einar viljum ekki verða feit.

Góð kvikmynd - Gott sushi

Það er kvikmyndahátíð í Stokkhólmi. Á föstudagskvöldið fórum við Einar og Anna vinkona að sjá myndina The Two Escobars. Heimildarmynd um kókaínkonunginn Pablo Escobar og fótboltastjörnuna Andéas Escobar. Myndin var frábær. Flott gerð og mjög áhrifamikil. Og þrátt fyrir að hún fjallaði mikið um fótbolta þótti okkur Önnu hún alveg jafn góð og Einar. Ég mæli með því að allir sem hafa áhuga á góðum heimildamyndum, S-Ameríku eða fótbolta sjái þessa mynd sem fyrst!

Á fimmtudaginn áttum við Einar svo okkar mánaðalega deit (en fyrir þá sem ekki vita gerum við alltaf eitthvað skemmtilegt í kringum 18. hvers mánaðar því við fórum á okkar fyrsta stefnumót 18. júlí). Í þetta skipti fórum við út að borða á Råkultur og fengum okkur sushi. Vá þetta var gjörsamlega geggjað og ég ætla sko að fara þangað aftur þegar vinir okkar koma í heimsókn frá Íslandi í næstu viku. Ég ætla reyndar ekki að fara nánar út í matinn og upplifunina hér því nú höfum við Einar stofnað blogg sem að á að halda utan um þá staði sem við heimsækjum í Stokkhólmi, svona Stokkhólmsblogg. Þar munum við dæma veitingastaði og annað sem okkur þykir skemmtilegt. Við erum enn ekki orðin virk þar en þetta kemur allt með kalda vatninu.

Yndislegur morgunmatur

no 1: egg í morgunmat eru helg vé á þessu heimili. Ég borða þau heil en Einar notar mest eggjahvítur. Hann vill ekki hlusta á mig þegar ég segi að heil egg eru í alvörunni yndisleg. Allavega.. þau eru alltaf hrærð og steikt á pönnu. Scrambled á fínni íslensku.

 

no 2: Yndislegur smoothie! Einn bolli hindber, 1/3 banani, 2 döðlur, 1/4 tsk kardimommu duft og einn tæpur bolli grænt te (má alveg vera heitt ef maður á klaka) sett í blandarann. Þegar þetta er orðið mjúkt og fínt er tveimur matskeiðum chia fræjum (eða hálfri msk hörfræjum) bætt út í ásamt smá klaka. Jömmí!

Þetta blogg er úthvílt og til í tuskið!