Margrét Rós

Um helgina...

... ætla ég að hafa það huggulegt með kakó, þeyttum rjóma og skólabókunum. Eiginmaðurinn verður erlendis, horfandi á fótbolta, pottþétt að frjósa úr kulda. 

Ég sem var að vona að veturinn væri búinn.

Nýi uppáhalds staður kattarins!

1x í mánuði

Þann 18. hvers mánaðar eigum við Einar deit. Fyrsta stefnumótið okkar var 18. júlí 2008 og við höfum haldið í hefðina síðan. Við skiptumst á að skipuleggja daginn og í dag er komið að mér. Ég pantaði út að borða á stað sem fékk fjórar stjörnur hjá Dagens Nyheder um daginn.

 

34 mánuðum eftir fyrsta deitið höfum við bara einu sinni klikkað á að gera eitthvað skemmtilegt þann átjánda og taka mynd af okkur saman. Þá var konunglegt brúðkaup í Stokkhólmi svo það er kannski ekki skrítið að við gleymdum okkur...

The Game of Ultimate

Ég les alltaf daglega eplið hans Mark, frábært blogg um primal living, og hann talar reglulega um hvernig maður á að leika sér, líka þegar maður er fullorðinn. Og nú er ég orðin 26 ára og sjúklega fullorðin svo ég þarf augljóslega að byrja að leika mér. Mark fer í Ultimate reglulega og mér fannst það hljóma mjög skemmtilega... frisbí er auðvitað svo yndislega sumarlegt og svo innilega fyrir alla. Unnustinn minn - sem þarf að hlusta á allar mínar pælingar varðandi heilsu og matarræði - hlustar greinilega mjög vel og gaf mér The Ultimate 175-gram Sportdisc í afmælisgjöf í gær svo að á sunnudaginn verður farið í alvöru Ultimate! Þangað til ætla ég að lesa allar reglurnar og trick-in hér. 

Morgunverður í rúmmið

Einar að standa sig klukkan 8 í morgun :-)

Laugardagur í Stokkhólmi

Ég er á því að það séu engin lýsingarorð til sem geta lýst því hversu frábær Stokkhólmur er á laugardegi í sólinni... svo ég ákvað að taka bara myndir einn dag og sýna ykkur hvað laugardagar í Stokkhólmi eru mikil snilld :-)

 

Morgunkaffi í rólegheitum. Ég vaknaði með garnagaul svo ég skellti eggjum og lífrænu beikoni á pönnuna og bjó til ávaxtasalat. Yndislegt!

Espressino - besta kaffi í Stokkhólmi. Og það er í götunni minni!

Við fórum á kynningu á framtíð Slussen. Vorum alveg að kaupa skipulagstillöguna sem var valin.

Kungsträdgården

Síðasti séns á kirsuberjatrjám í blóma.

Hádegismaturinn minn var frábær smoothie frá Blueberry Lifestyle. Jarðaber, kókos, kókosvatn, hnetusmjör, banani og prótín. Mmmm...

Einar fékk sér burger

Hjólatúr heim á sniðugu leiguhjólunum.

Steik

Kvöldmatur undirbúinn

Hvítvín á svölunum

Grill um kvöldið. Í forrétt var hvítur aspas með dragon, smjöri og rauðlauk.

Komnir af grillinu

Elín og Númi

Mmmmmmm!

Frábær endir á frábærum degi.

Kisinn minn...

...heitir Torres og verður ekki endurskírður.

 

Tvö ár í dag

Í dag er ég búin að búa með mínum frábæra unnusta í tvö ár í Stokkhólmi. Og í dag hélt ég minn fimmta fyrirlestur á sænsku fyrir framan fullan sal af fólki. Ég kann núna að borða Skagenröra, pytt i panna, lingon og Västerbotten pie. Já Svíþjóð er svo sannarlega að fara vel með mig!

Fotografiska Museet

Sunnudagar eru uppáhaldsdagarnir mínir hér í Stokkhólmi. Ég reyni yfirleitt að sleppa því að læra á sunnudögum og eftir að ég hætti að vinna um helgar þá nýt ég þess út í ystu æsar að hafa nákvæmlega ekkert að gera nema njóta lífsins. Í dag fór ég á frábæra Crossfit æfingu og fór svo í göngutúr með Önnu vinkonu og við kíktum á Fotografiska Museet. Það eru nokkrar sýningar í gangi á Fotografiska, m.a. ein sem heitir Lady Warhol. Sýningin gengur út á myndir af Andy Warhol þar sem hann situr fyrir í kvenmanns gerfi. Pínu spes en frábærlega skemmtilegt og skrítið.

Önnur af sýningunum heitir Fashion. Þar er hægt að sjá alls konar mismunandi tískumyndir, hún var ótrúlega stór og alveg frábær. Allar helstu drottningarnar voru auðvitað mættar á svæðið og spanna myndirnar yfir 60 ára tímabil. Mjög flott.

Á safninu voru fleiri skemmtilegar sýningar eins og t.d. saga tveggja vina sem ákváðu að byggja stofu undir bryggju á Skáni. Það tók þá sex mánuði og útkoman var frábær. Enn önnur sýningin varpaði ljós á tengsl Andy Warhol og Velvet Underground. Mjög skemmtilegt.

Á kaffihúsi safnsins er frábært útsýni yfir Gamla Stan, Djurgården og SA-hluta City. Yndislegt! Við Anna fengum okkur kaffi og einn konfektmola á þessu einstaklega huggulega kaffihúsi.

Já þetta safn er klárlega komið í topp fimm listann minn yfir söfn í Stokkhólmi, ég mun gera heimsóknir á þetta safn að reglulegum viðburði. Mæli með því ef einhver á leið um Hólminn!

 

ps: Föstu dæmið gengur vel, þrátt fyrir að hafa tekið SVAKALEGAN nammidag í gær (og rauðvín á fös) er ég netto búin að léttast um tvö kg á einni viku. Geri aðrir betur!

Nýjasta nýtt

Þegar maður byrjar í Crossfit fær maður ósjálfrátt meiri áhuga á hollu matarræði. Í Crossfit stöðinni minni, Crossfit Nordic, borða nánast allir Zone eða Paleo. Sem verðandi umhverfisfræðingur ætti ég auðvitað að forðast bæði en gat ekki staðist freistinguna og fór í smá viðtal til eins þjálfarans míns.

 

Núna er ég s.s. að borða samkvæmt þessu. Ég fasta í 14 tíma á dag (kaffi og vatn í lagi) og svo glútein, sykur og aukaefnislaust restina af deginum. Fyrsta máltíðin er í hádeginu og ég þarf að borða allar mínar 2000 hitaeiningar á dag frá kl. 13 til klukkan ca. 21.

Síðan á mánudaginn er ég búin að léttast um 2,2 kg. Ég er bara ekki alveg að kaupa þetta og er að spá í að kaupa ný batterí í viktina inni á baði, svona til að vera alveg viss um að batteríin séu ekki að deyja og þess vegna fari talan minnkandi. Fyrsti dagurinn var ógeðslega erfiður, ég var að deyja úr hungri allan daginn. En svo var það bara búið... eftir það hefur þetta bara verið ekkert mál og í rauninni bara sjúklega skemmtilegt og einfalt. Það er reyndar bottom line-ið, maður þarf minna skipulag og minni tíma í að gera nesti og það er auðvitað frábær kostur. Hinn frábæri kosturinn er að á þeim tveimur æfingum sem ég er búin að fara á síðan hefur mér fundist ég vera miklu hressari og orkumeiri.

Já ég held þessu áfram til jóla, sjáum hvað gerist.