Margrét Rós

Alvöru fólk

Undanfarið hef ég verið að sjá fleiri og fleiri auglýsibgar með ekta fólki. Þessi kom inn um lúguna í morgun og svo er MakeUp Forever komin með nýja no photoshop stefnu.

Loksins er eitthvað að gerast í þessum efnum og hugsanlega get ég aftur farið að skoða tískublöð...

Best!

Tavi, the style rookie, er uppáhalds bloggarinn minn. Ég hlakka til að lesa pósta eftir hana og í hvert einasta skipti sem hún bloggar furða ég mig á því að hún sé bara 13 ára. Mér þætti hún þroskuð þó svo að hún væri 18 eða 20 ára (ok... vertu hreinskilin Margrét! Mér þætti hún þroskuð ef hún væri jafngömul mér)! Ég er búin að vera með bloggið hennar inni í Google Reader hjá mér núna í svona átta mánuði og búin að lesa hvern póst samviskusamlega. Núna er hún að gera allt vitlaust með Terry Richardson póstunum sínum, segir nákvæmlega það sem að segja þarf um þennan perra og hans misskildu "list". Ég mæli með því að allir lesi póstana hennar um hann, jafnvel þó svo að maður hafi engan áhuga á tísku, ljósmyndun né feminísma þá er þetta samt súper áhugavert. Hún bloggaði fyrst hér og svo hér.

Ég væri svo innilega til í að vera fluga á vegg þegar hún er í tíma í skólanum með hinum 13 ára krökkunum. Vá hvað þeim þykir hún örugglega skrítin og henni þau vitlaus og lítil.

Tilgangurinn, hamingjan og snillingurinn hún Eve Ensler

Einu sinni fór ég á námskeið hjá Jack Canfield þar sem að hann fór yfir hvernig ná á árangri í lífi sínu. Þetta námskeið var frábært og fullt af hlutum sátu eftir í hausnum á mér eftir þessa helgi. Eitt af því sem að hafði hvað mest áhrif á mig var hvernig hann talaði um hamingjuna og hvernig á að ná sönnum árangri. Hann sagði m.a. að sönn hamingja og árangur fengist ekki án tilgangs og að alvöru tilgangur væri sá sem að hjálpar ekki aðeins þér í að finna hamingjuna eða ná árangri heldur hjálpaði samfélaginu sem þú býrð í. Ég man að þegar hann sagði þetta þá hugsaði ég með mér "oh my god.. eigum við bara öll að breytast í móðir Teresu?". En síðan þá hef ég oft hugsað með mér "hver er raunverulegi tilgangurinn með þessu? Hjálpar þetta einhverjum öðrum en mér?". Þetta er ein af ástæðunum fyrir því að ég er á leið í umhverfisfræði. Mig langar til þess að hjálpa samfélaginu að taka ákvarðanir sem að eru góðar fyrir jörðina sem við búum á. Þetta hlýtur að kallast tilgangur er það ekki? Ég-útgáfa af Al Gore?

Ég hef enn ekki náð þessu takmarki en er búin að finna þann tilgang sem ég ætla að lifa eftir í augnablikinu, ég er á réttri leið en á klárlega svolítið langt eftir. Ég gæti líka alveg skipt um skoðun á því hvað ég vil "verða" en ef ég geri það þá mun það alltaf vera eitthvað sem að hefur sannan tilgang því ég skal ná árangri og á sama tíma vera hamingjusöm.

Þessi kona aftur á móti, hún Eve Ensler, er þokkalega búin að finna tilganginn og er að ná árangri í sinni vinnu á hverjum degi. Vá hún er svo flott! Ef við bara spáum í því hversu miklum árangri V-dagurinn hefur náð, mikilli útbreyðslu og hversu mikið The Vagina Monologues hefur breytt viðhorfi fólks. Hér er hún mætt, með frábæran fyrirlestur um stelpuna í okkur öllum. Ég mæli með því að þið horfið og hlustið til enda og fáið í leiðinni smá innblástur. Við þurfum öll að finna okkur tilgang og svona fólk fær mann til að leita pínulítið betur.

The perfect vagina

Þetta er ótrúlegt. Gjörsamlega ótrúlegt. En hér er s.s. þáttur þar sem að kona leggur af stað í leiðangur til að komast að því hvað er í gangi í heimi kynfæra fegrunaraðgerða hjá konum. Ég hvet alla til að horfa á þetta, það er ótrúlegt hversu klikkuð við erum orðin!

The perfect vagina from heather leach on Vimeo.