Margrét Rós

Próf í sænskri sól

Úti eru um 20°og glampandi sól. Ég sver að þetta er að létta prófalundina. Fínt að læra úti á svölum með vatnsmelónu og kælt kaffi. Ég er að fara í sex próf, en á sama tíma á morgun mun ég bara eiga fimm eftir. Og á svipuðum tíma á morgun verða pabbi og Vilma komin í heimsókn. Eftir efnafræðihressleikan í fyrramálið ætla ég nú samt að lyfta þessu bloggi upp og skella inn nokkrum myndum frá nýliðinni Íslandsheimsókn og koma með almennilegar fréttir héðan úr Sólborginni (nýja heitið mitt yfir Stokkhólm). Þessi facebook pása mín mun án efa gera mig virkari í "alvöru" netheimum.

Þangað til mæli ég með þessari grein fyrir alla þá sem eru að íhuga að kjósa Besta flokkinn, ég mæli líka með nýja Bloodgroup disknum og melónu/lime drykknum hér að neðan.

 Sumar í glasi:

 hálf vatnsmelóna, skorin í bita og svona það helsta af steinunum hent í ruslið.
 tvö lime - afhýdd
 ca 1 dl vatn
 1-2 msk agave síróp (fer eftir hversu sæt melónan er).

  Allt sett í blandara með klökum og drukkið í sólinni. Ef það er ekki sól þar sem þú ert þá er um að gera að loka bara augunum, þessi drykkur gefur sumarhugmyndafluginu lausan tauminn.

 

eftir yoga

Yndislega yoganámskeiðið mitt heldur áfram og ég er bara að verða ansi hreint góð. Fyrir utan augljósa kosti þess að stunda yoga (styrkur, liðleika, sef betur, slaka á osfrv.) var ég líka að vonast eftir því að líða aðeins betur í hnénu mínu og geta þá hugsanlega hlupið eitthvað í Sumar-Stokkhólmi. Og viti menn. Um daginn gat ég hlupið í 11 mínútur á ágætis ferð án þess að finna nokkuð, en það er um 10 mínútum betur en fyrir yoganámskeiðið! Með þessu áframhaldi get ég hlupið hringinn í kringum Södermalm í ágúst.

Eftir þessa yndislegu tíma finnst mér best að drekka þetta:

 

og

svona.

Þvílíkur unaður!  Mér líður bara eins og endurfæddri manneskju eftir þetta kombó, yoga, te og kókosvatn. Svo er bara að krossa putta og vona að yoga geri mig líka betri í stærðfræði. Próf á laugardaginn eins og vanalega (fæ illt við tilhugsunina að laugardagspróf séu komin upp í vana!).

Prófa Groundhog day!

Mér finnst ég ekki gera neitt nema læra undir próf. Þetta er orðið pínu þreytt. Ég er föst í svona Groundhog day viku, þeas ég vakna alltaf í sömu vikunni, það er próf í þeirri viku.

Á miðvikudaginn fór ég í eitt erfiðasta próf sem ég hef farið í á minni ævi - tvöfalt efnafræðipróf. Það sem að ég vissi ekki var að ég fékk fjóra tíma fyrir tvö próf sem að hvort um sig átti að vera fjórir tímar. Sökum samskiptavandræða við kennarann minn (ekki mér að kenna, hann kann ekki að segja það sem að hann meinar...og hlær svo bara og segir að ég sé lítill vitlaus útlendingur. Heldur hann að ég skilji ekki sænsku eða.. jú!! Þetta nám er á sænsku svo að ég skil hann alveg) hafði ég ekki hugmynd um að prófið væri fjórir tímar fyrr en tíminn var búinn og prófið tekið af mér. Fyrir þetta próf var ég búin að læra eins og ég veit ekki hvað, liggja yfir blessuðu efnafræðiskruddunum  og fá hjálp frá yndislegum Kemi snillingi, honum Henrik. Ég var vel undir þetta próf búin en komm on ég er ekkert ofurmenni sem rumpar 8 tíma prófi af á fjórum tímum.

Ég hef aldrei áður fallið á tíma og þetta var ekkert sérstaklega góð tilfinning, að geta ekki lesið yfir neitt og ekki reiknað dæmin einu sinni enn. Úff! Ég lýg því ekkert að ég var næstum því farin að grenja þegar kennarinn tók af mér prófið, ég var líka alveg að fara að gráta í lestinni og svo fór ég barasta að grenja þegar ég kom heim! Ég hef ekki hugmynd um hvernig mér gekk en vona bara það besta og einbeiti mér að næsta prófi, sem er á morgun. Laugardagspróf eru ekki alslæm. Maður má t.d. lyfta sér upp um kvöldið og sofa út daginn eftir. Ég hef sterklega á tilfinningunni að þessi helgi verði æðisleg, stutt lærdómspása fyrir næsta próf, stærðfræði. Ég ætla að drekka Baileys, skella mér í partý, sofa út og gera súper hollan og góðan brunch á sunnudaginn. Næstu tuttuguogfjóra tímana ætla ég svo að bjarga geðheilsunni með því að hlusta á þetta lag á repeat!

Tilgangurinn, hamingjan og snillingurinn hún Eve Ensler

Einu sinni fór ég á námskeið hjá Jack Canfield þar sem að hann fór yfir hvernig ná á árangri í lífi sínu. Þetta námskeið var frábært og fullt af hlutum sátu eftir í hausnum á mér eftir þessa helgi. Eitt af því sem að hafði hvað mest áhrif á mig var hvernig hann talaði um hamingjuna og hvernig á að ná sönnum árangri. Hann sagði m.a. að sönn hamingja og árangur fengist ekki án tilgangs og að alvöru tilgangur væri sá sem að hjálpar ekki aðeins þér í að finna hamingjuna eða ná árangri heldur hjálpaði samfélaginu sem þú býrð í. Ég man að þegar hann sagði þetta þá hugsaði ég með mér "oh my god.. eigum við bara öll að breytast í móðir Teresu?". En síðan þá hef ég oft hugsað með mér "hver er raunverulegi tilgangurinn með þessu? Hjálpar þetta einhverjum öðrum en mér?". Þetta er ein af ástæðunum fyrir því að ég er á leið í umhverfisfræði. Mig langar til þess að hjálpa samfélaginu að taka ákvarðanir sem að eru góðar fyrir jörðina sem við búum á. Þetta hlýtur að kallast tilgangur er það ekki? Ég-útgáfa af Al Gore?

Ég hef enn ekki náð þessu takmarki en er búin að finna þann tilgang sem ég ætla að lifa eftir í augnablikinu, ég er á réttri leið en á klárlega svolítið langt eftir. Ég gæti líka alveg skipt um skoðun á því hvað ég vil "verða" en ef ég geri það þá mun það alltaf vera eitthvað sem að hefur sannan tilgang því ég skal ná árangri og á sama tíma vera hamingjusöm.

Þessi kona aftur á móti, hún Eve Ensler, er þokkalega búin að finna tilganginn og er að ná árangri í sinni vinnu á hverjum degi. Vá hún er svo flott! Ef við bara spáum í því hversu miklum árangri V-dagurinn hefur náð, mikilli útbreyðslu og hversu mikið The Vagina Monologues hefur breytt viðhorfi fólks. Hér er hún mætt, með frábæran fyrirlestur um stelpuna í okkur öllum. Ég mæli með því að þið horfið og hlustið til enda og fáið í leiðinni smá innblástur. Við þurfum öll að finna okkur tilgang og svona fólk fær mann til að leita pínulítið betur.

Stærðfræði, matur, matvinnsluvél, myndir og páskarnir.

Síðustu vikuna hef ég komist að því að ég er skuggalega (og þá meina ég skuggalega) léleg í stærðfræði. Þegar ég get ómögulega klórað mig fram út stærðfræðidæmi (sem að ég á samt í rauninni að geta leyst) pirrast ég út í áhuga minn á umhverfisfræðum. Að ná fyrstu einkunn í ensku var nefninlega ekkert sérstaklega erfitt.

Til þess að hressa mig við í dag ákvað ég að gera eitthvað sem ég er góð í. Elda og baka hollt og gott! Einar er veikur heima og því ákvað ég að dekra extra vel við hann og baka muffins og hjónabandssælu og svo fékk hann að sjálfsögðu pasta með pestó í kvöldmatinn. Ég vígði jólagjöfina okkar. Hina stórkostlegu magimix matvinnsluvél sem að frábæru tengdaforeldrar mínir gáfu okkur. Ok ég get ekki lýst því hversu mikil snilld þessi vél er. Mig langar næstum því bara að elda eitthvað sem að þarf matvinnsluvél, hence mölun á hnetum og pestó.

Í öðrum fréttum er mest lítið. Ég er að íhuga að skipta um myndasíðu. Finnst pínu leiðinlegt við Flickr að fólk þarf að vera innloggað til að kommenta eða komast í lokuðu myndirnar mínar. Er að skoða smugmug sem að mér lýst frekar vel á. Gallinn við þá síðu er að ekki er hægt að hafa sumar myndir í albúmum lokaðar en aðrar opnar. Eða ég er allavega ekki búin að finna út úr því.

Við Einar erum svo líka að plana páskafríið okkar. Það er í rauninni eina fríið sem að ég fæ þangað til í júní fyrir utan hugsanlega langa helgi þegar ég fer yfir í næsta aldursflokk - 25. Við erum að hugsa um Egyptaland. Mér finnst Rauðahafið, sól, pýramidarnir og egypskur matur hljóma ótrúlega vel!

Smá svona

Og svolítið svona

Og heill hellingur af svona! 

Já, já þetta kemur allt saman í ljós :-) Gaman að hlakka til einhvers í þessum skítakulda hér í Stokkhólmi þessa dagana. Það er svo kalt að ég þarf að fara í úlpu, húfu og vettlinga til að fara út með ruslið!   

Prófatíð

Síðustu vikur, eiginlega alveg frá því að Eva María fór aftur heim til Íslands, hef ég ekki mikið gert annað en að læra, læra, læra, fara í ræktina og vinna pínulítið.

Ég hef nú lokið tveimur af þremur jólaprófum og þessi tvö hingað til hafa gengið alveg hreint glimrandi, búin að fá einkun úr öðru því til sönnunar. Ég held ég hafi sjaldan verið jafn lítið stressuð eins og í þessum prófum. Ég er alveg stressuð korteri í próf en ég hef ekki enn lært eftir klukkan 23 sem að hlýtur að vera met þegar ég á í hlut. Um miðjan janúar fer ég svo í tvö önnur próf og þá er þessi önn búin. Ég trúi því að hann Einar hafi mikið með þetta stressleysi að gera.

Ef ég á að lísa háskólaferli mínum hér í Svíþjóð með einu orði myndi ég velja orðið kæruleysi. Guð minn góður hvað ég var allt of chilluð í september og október... það beit mig í rassinn (kæruleysið) í stærðfræðiprófinu fyrir nokkrum vikum og síðan þá er ég algjörlega búin að snúa við blaðinu. Ég held að þetta kæruleysi mitt megi einfaldlega rekja til þess að sænskan var að hægja á mér. Ég var svo miklu lengur að lesa fyrir tíma en ég reiknaði með og skildi ekki alltaf allt sem að kennarinn sagði í fyrirlestrum. Þetta gerir það ósjálfrátt að verkum að maður nær ekki að keep up og þá sló ég þessu bara upp í kæruleysi.

Í gær komst ég svo að því að ég er fáránlega góð í sænsku! Í alvöru sko. Ég tók líffræði próf og gat svarað þremur ritgerðarspurningum á barasta fínni sænsku með afskaplega lítið af enskuslettum. Svo að nú er þessi afsökun fyrir kæruleysinu fokin út í veður og vind og héðan í frá mun ég massa þetta!

Í síðustu viku uppgötvaði ég líka hina sænsku bókhlöðu. Þvílík snilld! Engar tölvur, engar bækur bara fullt af fólki að læra like crazy. Opnunartíminn er líka langur og góður og ræktin er í næsta húsi. Já þetta er bara nánast of fullkomið og ég líka búin að vera þvílíkt dugleg síðan ég uppgötvaði þessa snilld!

-----

Um helgina ætla ég nú samt að taka því temmilega rólega, í kvöld ætla ég að gera falafel og horfa á úrslitin í Idolinu með öðru auganu og á sunnudagskvöldið erum við að fara á jólahlaðborð. Spennandi að sjá hvað þykir jólahlaðborðsmatur hér í Svíþjóð. Þess á milli mun ég grúfa mig í eðlisfræðisbækurnar... þó svo mér finnist það ekkert sérstaklega áhugavert eins og er þá veit ég að þetta er lykillinn að því að bjarga jörðinni svo ég læt mig hafa það!

örstutt punktablogg

þar sem að ég á að vera að læra er þetta öööörstutt.

• Íbúðin er nánast sótthreinsuð. Öll föt hafa annaðhvort fengið frystimeðferðina eða fengið að veltast um í 60°í ca klukkutíma.
• Ég er búin að ryksuga inn í fataskápana á heimilinu minst 20x.
• Ég er komin með óþol fyrir pöddum. Ég er í alvörunni farinn að kremja venjulegar flugur með puttunum og svo bara þvo mér um hendur og þurka borðið/rúðuna með eldhúspappír. Stríðið mitt við lifrurnar mun að ég held hafa langtímaáhrif (mig er meira að segja búið að dreyma viðbjóðsleg skorkvikindi tvo daga í röð, í draumnum ryksugaði ég þær og brenndi svo ryksugupokann).
• Einar setti saman þrjú húsgögn frá Ikea í gær. Ég hef sjaldan kynnst eins miklu jafnaðargeði. Þessi maður er fullkominn... ég segi það satt.
• Gólfið hjá okkur er gamalt... einn skápurinn/skenkurinn sem við keyptum getur ekki staðið almennilega því gólfið hallar svo. Eins og er er eitt Elle undir einum fæti og InStyle og GQ blað undir hinum.
  
   
  
• Ég er búin að búa til playlista með skandinavískri rólegheitartónlist. Inn á þeim lista eru tvö dönsk lög sem að ég elskaði þegar ég var lítil. Lagið hennar Anne Linnet, Tusind Stykker, hef ég ekki hlustað á síðan ég var svona átta. Ég fékk gæsahúð og nostalgíukast þegar ég keypti það á iTunes í gær. Allt í einu var ég komin í Veghús með mömmu, pabba og Friðjón og Kára litlum með hor. Það var skúffukökulykt í dagdraumnum.
• Aumingja Einar þurfti að hlusta á lagið svona 10x í gær og þrátt fyrir það (hann hatar sko dönsku) og Ikea parta úti um allt hélt hann ró sinni.
• Ég er að gera róttækar breytingar í mataræðinu. Byrjaði í dag og hef enn ekki klikkað. Klukkan er fjögur.
• Ég ætla að elda fáránlega hollt og gott í kvöld... en ég þarf líka að fara út að hlaupa og læra. Það er svo tímafrekt að vera dugleg!
• Ég mæli með þáttum Richard Dawkins um trúarbrögð sem bera heitið The Root of All Evil? Ég er ennþá í áfalli eftir fyrri þáttinn. Tímdi ekki að horfa á hinn strax, vill melta fyrri hlutan fyrst. Þvílíkir nautheimskir fávitar sem eru til í þessum heimi!
• Síðast en ekki sýst... Séð og Heyrt er uppáhalds. Frábært blað sem stundar flotta blaðamennsku! Allir sammála?

Síðan síðast

Síðan ég bloggaði síðast (sem er orðið skammarlega langt síðan) hef ég varla haft tíma til að raka á mér lappirnar hvað þá setjast niður og blogga almennilega. Þó svo að ég sitji núna fyrir framan tölvuna í eldhúsinu heima og reyni að blogga þá er alls ekki víst að þetta verði almennilegt blogg... Ég er nefninlega svo sifjuð að það nær engri átt!

En allavega. Síðan síðast er búið að vera ótrúlega gaman hjá mér. Eina sem ég hefði viljað gera öðruvísi er að ná að mæta í aðeins fleiri tíma í skólanum. En svona er þetta víst að vera ferðagarpur í brúðkaupserindum um allan heim.

San Francisco var æði. Borgin heillaði mig. Ég hefði ekkert á móti því að taka langt frí þangað einhvern tíma, sérstaklega fanst mér Castro æðislegt hverfi. Brúðkaupið í Pleasant Hill var ekkert smá skemmtilegt. Athöfnin var falleg, svo falleg að ég er ekki viss um að sólgleraugun hafi náð að fela tárin. Maturinn góður og fólkið skemmtilegt. Stuðinu lauk ekki þegar veislan var búin heldur fórum við upp á hótel hjá the best man og dönsuðum og sungum í nokkra tíma í viðbót. Það var líka æðislegt að hitta Tomma aðeins, hann er framúrskarandi leiðsögumaður um borgina og tók okkur í frábæran göngutúr í laugardagsþynnkunni.

Reykjavík er alltaf jafn frábær. Ég talaði nánast ekkert um kreppu heldur naut þess bara að vera með fjölskyldunni, láta stjana við mig í mat og drykk, chilla með stelpunum mínum, fara í íslenska klippingu og lit, fá litlu sætu frænku mína nefnda í höfuðið á mér (og ömmum sínum reyndar líka),  skemmta mér í frábæru brúðkaupi og anda að mér íslenska loftinu. 

Ég ætla að gera þessum ferðum betur skil bráðlega með myndum hér á blogginu.

---------------

Annars reyni ég bara að læra eitthvað. Það er ótrúlegt hvað það tekur langan tíma að komast yfir einn kafla í líffræði því hann er á sænsku. Það borgar sig fyrir mig að fara á kaffihús og taka ekki tölvuna með. Hér heima kíki ég allt of mikið á facebook og er líkleg til þess að fara að plokka á mér augabrúnirnar eða eitthvað annað álíka viturlegt þegar sænska einbeitingin er búin. Í sannleika sagt er ég búin að komast að því að ég er ekkert sérstök í sænsku. Í dag t.d. var ég í líffræði í mjög "skemmtilegri" rannsókn úti í skógi að kanna ástand eika í nágrenni við skólann. Málið er bara að í nágrenni við skólann er risa stór skógur sem heitir Store Mossen. Ég brenndi mig á svona 7 brenninetlum áður en ég hafði kjark í að bögla því út úr mér við stelpurnar í hópnum á hverju ég væri eiginlega að brenna á mér kálfana. Var búin að steingleyma hvernig brenninetlur líta út.

Kennarinn hafði líka varað okkur við ýmsum dýrum þarna í skóginum. Ég sver það að hún nefndi elg. Það hefði nú verið stuð ef ég hefði bara rekist á elg í fyrstu skógarferðinni minni í sænskan skóg. En því miður (eða kannski sem betur fer) varð mér ekki að ósk minni. Rannsóknin gekk samt vel og svo er bara spurning hvort ég þori að skila skýrslunni á sænsku eða hvort ég fái að nýta rétt minn sem útlendingur og skila fyrsta verkefninu mínu í líffræði á ensku. Sjáum til.

----------

Í dag erum ég og Einar búin að vera saman í 14 mánuði. Það er komið að mér að skipuleggja mánaðarlega deitið okkar. Síðast vorum við á ströndinni í Kuta á Bali, vá það getur bara ekki verið að það sé bara mánuður síðan!

ps: ég er í alvörunni að spá í að hætt á facebook. Er svo mikill netnjósnari í mér að þetta gerir mér ekki gott! Ég er líka viss um að ég hækki um einn heilann í meðaleinkunn ef ég læt loka þessu apparati. Verst að maður getur ekki beðið þá um að skammta sér tíma þarna inni, t.d. bara eitt login á dag sem má ekki vara lengur en hálftíma. Það væri fáránlega sniðugt!