Margrét Rós

Earth Hour og Sigur Rós

Þetta er svaka fínt!

 

Nokkrir punktar úr góða veðrinu

• Eurovison fór ekki eins og ég bjóst við. Ég var alveg klár á því að Hera myndi lenda í topp þremur. Að ljóshærði konu-maðurinn hafi endað fyrir ofan okkur (sem og ca. 13 önnur hræðileg lög) er bara ekki í lagi.
  
  
  
• Hera fékk ekkert stig frá Svíþjóð. Ég heimta endurgreiðslu fyrir atkvæðin mín 10!
• Kosningarnar á Íslandi fóru hinsvegar (því miður) eins og ég bjóst við. Ég er ansi hrædd um að Reykvíkingar munu komast að því að Besti Flokkurinn er Borgarahreyfingin á sterum. Ég er ekki á móti nýjum framboðum, alls ekki, mér finnst bara lágmark að þeir hafi (alvöru) stefnuskrá.
• Er fjölmiðlafólk á Íslandi upp til hópa fávitar? Í alvöru... megnið af þessu fólki þarf að taka sig saman í andlitinu og spyrja alvöru spurninga og leyfa fólkinu sem það er að taka viðtöl við að svara! Og líka muna að Jón Gnarr er ekki lengur grínisti sem elskar Jesú heldur pólitíkus sem má tækla.
• Ég vona samt heitt og innilega að BF standi sig vel og þá mega allir sem kusu hann segja I told you so við mig.
• Í Svíþjóð er sól og blíða. Ég læri út á svölum þar til að ég er að kafna og fer þá inn og kæli mig smá. Svo fer ég aftur út á svalir.
• Einar bakaði köku áðan. Glútein- og hveitilausa brownie sem ég hef áður bakað. Ég veit ekki hvort þetta fæst á Íslandi en ef ekki þá hvet ég Yggdrasil, Heilsuhúsið og heilsuhillurnar í stórmörkuðunum til að panta þetta. Algjör snilld og líka hægt að gera þær vegan.
  
   
• Ég hlakka svo til að vera búin í prófum að það er ekki venjulegt. Tvær vikur og þá er ég frjáls. Búin með þetta ár og get loksins byrjað í því sem að mig langar til að læra. Men ég ætla að dúxa á næsta ári! Í sumar ætlum við Einar að ferðast um Svíþjóð með Torres og sjá sænskar sveitir og annað skemmtilegt. Við ætlum líka að kíkja til Íslands í byrjun ágúst og fara í göngu með móðurfjölskyldunni.
  
• Pabbi og Vilma komu í heimsókn í síðustu viku. Það var alveg ægilega huggulegt hjá okkur. Ég þyngdist um eitt og hálft kíló.
• Þetta myndband eiga allir að horfa á. Ég veit að fólk á Íslandi og Svíþjóð drekkur úr krananum en við kaupum samt sem áður allt of mikið af t.d. sódavatni. Kranavatn er best fyrir kroppinn og umhverfið. Ok vatn úr lækjarsprænu uppi á hálendinu er kannski betra... svo endilega drekkið það með lófanum ef þið eigið leið framhjá svoleiðis.
  
  
• Crossfit er ennþá að gera góða hluti. Þetta er alveg fáránlega skemmtilegt og ég er fullviss um að þetta í bland við yoga er alveg fullkominn kokteill fyrir minn kropp.
• Einar bauð mér til Íslands og hélt upp á 25 ára afmælið mitt á Kaffibarnum nú í maí. Þetta var án efa besta afmæli sem hefur verið haldið mér til heiðurs. Ég skemmti mér konunglega! Takk elsku allt fólkið mitt á Íslandi, þið eru lang best!
  
  

  
  Ég í afmælisgjöfinni frá Einari. Kallinn kann þetta!
  
  
  Sæti Jón Jökull á Hamborgarafabrikkunni. Hann varð sjö ára föstudaginn.
  
  
  Við á leið í partýið. Ég komin í pilsið sem ég fékk frá mömmu og skónna frá foreldrum Einars.

Snyrtivörufíkillinn MRS

Síðast árið er ég búin að vera að reyna að taka mig á hvað varðar snobb fyrir snyrtivörumerkjum. Einu sinni (og stundum ennþá) var ég hrikaleg! Gat ekki keypt neitt nema það væri helst það dýrasta í búðinni og fanns allt sem hét t.d. Nivea argasta drasl.

Síðan ég fór að hafa meiri áhuga á umhverfinu hef ég spáð meira í raunverulegu innihaldi snyrtivara en ekki látið markaðssetninguna glepja mig. Ég hef komist að því það eru ekki öll "náttúruleg" merki sem ég fíla. En til að vera sjálfri mér samkvæm hef ég samt ekki keypt neitt nema að hafa klárað eitthvað annað á undan, líka það sem ég var ekki alveg að fíla.

Áður en ég fór til Indónesíu féll ég all svakalega. Ég datt í Kanebo, svona líka rosalega. Ég hef oft notað þessar vörur og finnst þær góðar en blöskraði samt verðið þegar ég keypti mér krem og andlitsvatn þarna í júlí, auk þess sem ég keypti mér líka ferðasize hreinsilínu (sem ég get ekki sagt að sé beint góð fyrir hvorki náttúruna né budduna... en mjög góð fyrir bakpokaferðalanga).

Það er svolítið síðan ég kláraði ferðahreinsilínuna og er búin að vera að nota hálfpartinn ekki neitt nema þvottapoka og augnhreinsi í tvær vikur. Á leðinni heim frá Íslandi í síðustu viku ætlaði ég bara að vera grand og kaupa mér hreinsilínuna frá Kanebo full size í (algjörlega sprungin á limminu!) en fékk þvílíka áfallið þegar ég sá verðið. Þetta eru s.s. tvö item, annað var á 3700 og hitt 4þúsund ogeitthvað!! Er ekki allt í lag? Já ég sagði s.s. nei takk og fór í The Body Shop í gær. Já í alvöru! Margrét Rós fór í The Body Shop og keypti hreinsimjólk, andlitsvatn og hreinsisápu. Þetta gerðu 170 kr sænskar samanlagt (2890 isk). Í augnablikinu á The Body Shop í Svíþjóð nefninlega 30 ára afmæli svo það er 30% afsláttur af vörum sem voru einu sinni best sellerar en hafa ekki verið fáanlegar í þónokkur ár núna.

Ég er þvílíkt ánægð með þetta, húðin mín er hrein og fín og ég lét ekki snobbið setja mig á hausinn! Ekki nóg með það heldur eru allar umbúði Body Shop úr 100% endurunnu plasti, í vörunum sem ég keypti er lífrænt, fair trade aloa vera og það er ekki spanderað svo minnsta sem einni trjágrein í auka pappa pakningar utan um brúsann sjálfan - enda er hér um að ræða fyrirtæki með marktæka samfélags- og umhverfisstefnu.

Ég held að þetta hafi verið stórt skref í átt að bata...

Mynd via bodyshop.se